Cuira

"Da drüben hinter den Bergen" – cun muments ord la Val Stussavgia

"Nus na vivain betg a la fin dal mund, mabain en in dals pli bels lieus dal chantun Grischun". Quai san ins leger sin la pagina d'internet da la Val Stussavgia.

En las 4 vischnancas Stussavgia, Tenna, Valendau e Versomi vivan oz anc 1'041 abitants. Il film "Da drüben hinter den Bergen" mussa muments or da la Val Stussavgia. Il selvicultur giuven che paina pegns. La mamma da 2 uffants che lavura independent e fabritgescha schlondas. La tatta che stgauda la pigna cun las restanzas da las schlondas.

 

 

Regiun isolada

 

Il film da Michael Casutt less preschentar las persunas che vivan en quella regiun plitost isolada. Co vesa il mintgadi da las persunas ora? Daco stattan ellas en la Val Stussavgia?
"Da drüben hinter den Bergen" preschenta las bellas cuntradas vastas e selvadias. Dentant èn las istorgias dals protagonists memia sparpagliadas, ì manca in raquintader che maina tras il film. (ah/fc/rtr)