Svizra: Tessin pretenda 9 cussegliers federals

Il Cussegl grond dal chantun Tessin pretenda danovamain ch'il cussegl federal vegn engrondì sin totalmain 9 commembers. Las deputadas ed ils deputads tessinais han deliberà in'iniziativa dal chantun.

Cun engrondir la regenza svizra duai crescher la schanza per in represchentant da lingua taliana en il cussegl federal. Il 2010 ha il parlament dal Tessin gia preschentà ina resoluziun correspundenta a l'Assamblea federala. Lezza è dentant vegnida refusada. (gc/sda)