Cussegl federal: Clausula da ventil encunter persunas da l’ost da l’Europa

Il Cussegl federal ha decidì d'introducir temporarmain contingents per persunas ord dad otg pajais novs da l'uniun europeica. Cun quella decisiun ha il Cussegl federal proclamà la clausula da ventil.

Per l'emprima gia dapi l'introducziun da la libra circulaziun da persunas vegn l'immigraziun en la Svizra uschia limitada. Davent dal matg da quest onn enfin l'avrigl 2014 vegn l'immigraziun ord la Tschechia, l'Estonia, la Lettonia, la Lituania, l'Ungaria, la Pologna, la Slovenia e la Slovachia limitada sin var 3’800 persunas. Per restrenscher l'immigraziun sto il dumber da permissiuns da dimora en in onn surpassar per almain 10 % la media dals ultims trais onns. (aw/sda)