Heineken: Biera duai vegnir pli chara

Perquai che la giutta per far biera è vegnida pli chara vul il concern beltg Heineken auzar il pretsch per la biera. Il gudogn operativ saja sa reducì l'emprim quartal, quai malgrà che la svieuta saja creschida per var 7 % sin 4,6 milliardas francs. Quai scriva il concern Heineken senza numnar cifras pli detagliadas. Cun in augment dal pretsch da la biera ed in program da spargn vul il concern beltg ussa reducir ils custs per 600 milliuns francs enfin il 2014. (aw/sda)