Ins ha bloccà ils daners dad 11 ulteriuras persunas ed interpresas iranaisas. La midada d'ordinaziun correspundenta saja ida oz en vigur, communitgescha il departament federal da l'economia publica. La decisiun haja il cussegl federal prendì gia ils 4 d'avrigl. Ussa valan las sancziuns da finanzas en tut per dapli che 290 interpresas ed organisaziuns sco 75 persunas da l'Iran. (fc/sda)