Uniun Africana: Intimà Sudan e Sudan dal sid da retrair truppas

En il conflict armà tranter il Sudan ed il Sudan dal Sid ha l'Uniun Africana danovamain intimà omaduas varts, da retrair lur truppas da la regiun da cunfin dispitaivla, Abyei.

En quest territori da cunfin ha dà il davos temp cumbats suenter che truppas dal Sudan dal Sid han occupà in champ da petroli. La regiun cun bler ieli vegn controllada dal Sudan. Il Sudan dal Sid ha declerà il fanadur passà sia independenza dal Sudan. (fc/sda)