Plinavant è il cussegl administrativ vegnì cumplettà cun l’elecziun da Markus Moser e la reelecziun da William Guiness per ulteriurs 3 onns. Moser è il medem mument manader da gestiun da la Corvatsch SA.

En pensiun suenter 40 onns

Plinavant han ils preschents piglià cumià da Gaudenz Barblan. Suenter bunamain 40 onns va il manader da gestiun da la Corviglia-Piz Nair SA en pensiun. Ses successur è Patrick Meile da Samedan. (ac/rtr)

Corvatsch serra l'onn 2010/11 cun in plus

L’onn da gestiun 2010/11 da la Corvatsch SA serra bain cun in plus da radund 65’000 francs. Dentant han ils 241 acziunaris stuì prender enconuschientscha, ch’ins ha da far quint quest onn cun in minus da frequenzas da var 18%.

Sco ch’il delegà dal cussegl administrativ, Bruno Melnik, ha suttastritgà a la radunanza generala dovria ussa ina buna collavuraziun. (rtr/ac/sd)