Grischun: Cunzunt manaschis gronds dovran antibiotica

Er per puressers grischuns n’è il diever d’antibiotica tar ils animals betg evitabel. Manaschis che dovran cunzunt antibiotica èn manaschis che produceschan charn vadè.

Quels èn dentant tenor Giochen Bearth, il substitut dal veterinari chantunal uschè survesaivels en il Grischun, che blers purs na dovrian betg gronds quantums d'antibiotica. Tar autras furmas da manaschi, per exempel tar chauras e nursas u manaschis che produceschan biologicamain, vegni l'antibiotica duvrada anc pli scart ed era betg profilacticamain.

 

 

Fabricas pitschnas dovran pli stedi

 

Da constatar saja dentant: Pli gronds ch'in manaschi saja e pli fitg ch'el produceschia charn sc'ina fabrica e pli blera antibiotica dovra il manaschi. Manaschis gronds, uschenumnadas "fabricas pitschnas", dettia quai er en il Grischun, en il conturn da Cuira.

 


Nagins cas da maldiever 

 

Cas da maldiever d’antibiotica n’èn dentant betg enconuschents a Bearth. Da principi vesia il veterinari il pazient u almain saja la situaziun dal pazient enconuschenta ad el avant ch'el dettia ils medicaments. Cas nua che manaschis avessan cumprà antibiotica d'in auter veterinari, perquai ch’il veterinari responsabel n’haja betg vulì dar antibiotica, n’hajan ins betg gì en l Grischun. (gc/fc/rtr)