Riom/Sur: Ustarias avant in futur intschert

Las ustarias da Riom e Sur stattan avant in futur intschert. Planisà era ch’ils ustiers actuals da Sur surpiglian l’ustaria da Riom. Quels han ussa dentant retratg surprendentamain lur interess.

La raschun è ch’els avessan stuì surpigliar l’inventari dals fittadins actuals per bun 25’000 francs, tge che saja finanzialmain betg stà pussibel. Ussa speran omaduas vischnancas da chattar ina soluziun che las ustarias na stoppian betg vegnir serradas. (aw/fc/pc/rtr)