Pakistan: Lavurs da salvament cuntinueschan

Suenter la crudada d'in aviun datiers da la chapitala pakistana Islamabad, tar la quala almain 127 persunas han pers la vita, cuntinueschan las lavurs d salvament.

Motiv anc adina betg cler

Pertge che l'aviun da la societad aviatica regiunala Bhoja Air è crudada durant il sa tschentar, n'è anc adina betg clar. Sco quai ch'in emettur da televisiun rapporta, han las equipas da salvament chattà il registratur da las datas da sgol. En il decurs dal di duain ils confamigliars da las victimas vegnir sguladas ad Islamabad.

 

 

Bhoja Air pir dacurt en l'aria

Tenor in pledader da l'uffizi per l'aviatica civila ha la societad aviatica Bhoja Air pir il mais passà puspè entschet a sgular, quai suenter ch'ella era ida bancrut il 2010. Al possessur da la societad aviatica ha la regenza dentant scumandà da bandunar il Pakistan. (sd/sda)