Verds: Thorens e Rytz novas presidentas
-
- Zoom
- Thorens e Rytz en co-presidentas e successuras da Ueli Leuenberger. (Keystone)
La partida dals verds vegn da novamain presidiada da duas dunnas.
Ils delegads dals verds han elegì oz a chaschun da la radunanza da delegads a Genevra Adèle Thorens e Regula Rytz sco co-presidentas.
Thorens, la cussegliera naziunala dal Vad ha 41 onns e vala sco pragmatichera. Sco quai ch'ella di sez, saja ella ina politichera che tschertga schliaziuns e na problems.
Rytz ha 50 onns ed è cussegliera naziunala da Berna. Las duas dunnas remplazzan Ueli Leuenberger che ha demissiunà suenter 4 onns.
Il president scadent dals verds, Ueli Leuenberger, ha prendì cumià dals delegads da la partida dals verds oz a Genevra.
El ha anc ina giada appellà a la partida, da cuntinuar cun la politica sco fin ussa.
Malgrà las sperditas tar las davosas elecziuns federalas na saja la partida betg giun plaun. Ils verds hajan cuntanschì il segund meglier resultads suenter il resultà da record il 2007. (sd/sda)
