Bahrain: Danovamain acts da violenza
-
- Zoom
- Il retg dal Bahrain aveva empermess refurmas. (Keystone / Bahrain Media Center)
In per uras avant il cumenzament da la cursa da furmla 1 dispitaivla a Bahrain hai danovamain dà acts da violenza tranter demonstrants che crititgeschan la regenza e la polizia.
Ils demonstrants pretendian vinavant ch'il retg sunnit Hamad bin Issa al-Chalifa sa retiria, uschia meds da massa internaziunals.
La polizia ha duvrà la notg passada gas lacrimogen e granatas da canera per agir cunter in pèr 100 demonstrants schiits. Lez han sajettà crappa e cocktails da molotow.
En vista da las protestas ha il retg dal Bahrain empermess refurmas. La porta per in dialog serius saja adina averta, ha scrit il monarc en ina decleraziun. La maioritad da la populaziun dal Bahrain èn muslims schiits. (sd/sda)
