La finamira saja da flaivlentar la plazza da finanzas. Ed en emprima lingia las duas bancas grondas che hajan success sin plaun internaziunal. Betg mo ils politichers da l'exteriur sajan interessads vid attatgas sin il secret da bancas svizzer, mabain era lur concurrents, uschia Ermotti plinavant. (sd/sda)

Thür vul mantegnair secret da banca

Hanspeter Thür, l'incumbensà per la protecziun da datas federal, stettia 100% davos il secret da banca sco protecziun da la sfera privata da la clientella da banca, ha Thür ditg en in'intervista da la "NZZ am Sonntag".

El crititgescha dentant era las bancas. La protecziun da la sfera privata na muntia betg, ch'ins haja la lubientscha da commetter acts chastiabels, uschia l'incumbensà per la protecziun da datas federal. (sd/nzzs)