Frantscha: Emprims resultads inuffizials
-
- Zoom
- 44 milliuns votantas e votants èn clamads a l'urna per eleger il president da stadi franzos. (Reuters)
En il cumbat per l'elecziun dal president da la Frantscha sa mussa en l'emprim scrutini ina victoria dal socialist François Hollande. Tenor emprimas retschertgas tar electurs e resultats inuffizials sto il president actual, Nicolas Sarkozy, quintar cun ina terrada.
La decisiun definitiva croda dentant pir en duas emnas cura che Hollande e Sarkozy ston ir en l'elecziun decisiva. L'institut enconuschent OpinionWay annunzia per Hollande 27 - 30% da las vuschs. Sarkozy survegn tranter 25 - 27%. (sd/dpa)
09:52
Tenor retschertgas na vegn probablamain nagin dals candidats a cuntanscher il pli absolut en quest emprim scrutini. Las bleras vuschs vegn probablamain a far il socialist François Hollande, segund bleras il president actual, Nicolas Sarkozy. La cursa vegn lura decidida tranter quels dus en in segund scrutini ils 6 da matg. (sd/sda)
