MTB: Nino Schurter sa prepara per Olympia
-
- Zoom
- Vuless gudagnar aur tar ils gieus olimpics a Londra. (Reuters)
3 gronds trumfs da medaglia ha la Svizra als geus olimpics questa stad a Londra: Roger Federer el tennis, Fabian Cancellara el velo e Nino Schurter el mountainbike.
Il sursilvan Nino Schurter è gia turnà avant 4 onns da Peking cun ina medaglia da bronz. A Londra vul Nino Schurter cumbatter per la medaglia dad aur.
Midada da percurs
Tar la preparaziun tutga era, d'enconuscher bain il percurs olimpic. In'emprima inspecziun ha Nino Schurter gia fatg la stad vargada. Dapi là haja dentant dà midadas. Perquai è il mountainbiker da classa stà quest'emna per la secunda giada a Londra per inspectar il percurs olimpic. (rtr/ra/sd)
