Samariters: Mathias Egger è nov president
-
- Zoom
- Mathias Egger (san.) è il nov president da l'uniun da samariters. (ANR, M. Fontana)
La radunanza da delegads a Tschierv ha elegì Mathias Egger ier saira unanimamain. Quai tenor ina communicaziun da l’agentura da novitads rumantscha.
Mathias Egger succeda ad Esther Zinsli ch’è s’engaschada durant 14 onns a favur da l’associaziun.
Plinavant ha la radunanza da delegads elegì da nov en suprastanza Christian Ernst e Wilma Schaller.
170 curs d'emprim agid
L'onn passà han las differentas societads da samaritans organisà en il Grischun total radund 170 curs d'emprim agid. A quels han fatg part bunamain 1'300 persunas. (sd/anr)
