Economia: Mal 2011 per branscha da textilias svizra
-
- Zoom
- La branscha pretenda in curs da l'euro da 1.35 francs, perquai che l'export pitescha dal ferm franc. (Keystone)
L’industria da textilias e vestgadira svizra guarda enavos sin in 2011 flaivel. Bain è vegnì producì 1,4% dapli. Ils exports èn dentant sa sbassads la quarta giada en seria.
Cun in minus da 5,2% è la sminuziun dentant stada il 2011 in pau pli pauc nauscha ch’in onn avant. Uschia ha communitgà l’uniun da textilias Svizra a Turitg. La rauba exportada ha ina valur da trais milliardas francs. Perquai che la branscha da textilias saja dependenta ferm dals exports, stoppia il curs da l’euro vegnir augmentà pass per pass sin in franc e 35, pretenda l’uniun da textilias. (sda/uca)
