Roma: 17 onns praschun per fundatur da Parmalat

Otg onns suenter il bancrut dal concern da victualias talian Parmalat, è il fundatur da la firma, Calisto Tanzi, vegnì sentenzià d'ina dretgira d'appellaziun a Bologna a 17 onns praschun.

En emprima instanza era Tanzi vegnì sentenzià il december 2010 a 18 onns praschun. L'anteriur directur da finanzas da Parmalat, Fausto Tonna, sto ir quasi 10 onns en praschun enstagl 14 onns.

L'advocat da Tanzi vul far recurs a la dretgira da cassaziun a Roma, la terza e davosa instanza.

(fa/sda)