Rapiment dunna svizra: EDA en contact cun rapinaders da Mali

La dunna svizra, ch'è vegnida rapinada avant in'emna a Mali, è sco ch’i para en ils mauns da la gruppa islamistica armada Ansar Dine.

Il departament federal per affars exteriurs EDA è tenor atgnas indicaziuns en contact cun ils rapinaders.

In pledader dals Islamists ha ditg a Radio France Internationale, ch'els sajan pronts da laschar liber la dunna, la cundiziun saja ch'ella na turnia betg enavos a Mali.

Tenor rapports da medias è la dunna rapinada ina missiunara che viva dapi onns a Timbuktu en il Mali.

(fa/sda)