Stierva: Team da scolasts puspè cumplet

  • Publicaziun: 24-04-2012, 16.57

Ramona Imper da Falera è la nova scolasta per l’emprima fin la terza classa da Stierva. La presidenta dal cussegl da scola Salouf-Mon-Stierva Beatrice Stäger è cuntenta, ch’ins ha chattà ina soluziun definitiva a partir da questa stad.

Quai ha ella confermà al Radio Rumantsch. L’onn da scola current saja in onn fitg spezial. Cun Reto Capeder da Savognin surpiglia en quest onn da scola gia il quart scolast las trais classas da scola a Stierva en la Val d’Alvra.

 Enfin ussa avevan ins tschertgà adumbatten durant passa in onn ina scolasta ubain in scolast stabel. (rtr/fb/uca)