Sco l’administraziun da duana federala ha communitgà, èn ils exports s’augmentads be lev e quai be en trais branschas. L’import è stagnà.
 
La bilantscha commerziala serra cun in surpli da 5,9 milliardas francs. Ils exports èn s’augmentads per 0,5 %. Curregids tras l’inflaziun èn els sa sbassads per 0,8 %.

Da las 10 pli impurtantas branschas d’export, han be trais pudì augmentar l’export, l’industria d’uras dentant marcantamain cun in plus da 17 %.

Importà pli pauc ha la Svizra l'emprim quartal surtut materia prima e products mezfinids; da l'autra vart ha ella importà 17 % dapli energia.

(fa/sda)