Fin ussa èn 10 persunas s’annunziadas prontas da sa participar a l’Europeada, organisada dals Sorbs en Germania. Malgrà ch'i n’è betg exnum ina premissa da pudair dar ballape per daventar in giugader da l'equipa rumantscha, è l'interess vi dal campiunadi europeic pitschen tar ils Rumantschs.

Nagina peda

Il president da la GiuRu, Flurin Bundi, vesa cunzunt 2 raschuns, daco ch'ins haja bragia da chattar giuvens ch'èn pronts d'ir a l'Europeada en Germania. Per l'ina hajan blers gist examens da scola il zercladur, per l'autra hajan quels che lavurian be 4 emnas vacanzas ad onn. Passentar da questas 4 emnas in'emna a l'Europeada na sajan blers betg pronts.

Finanziaziun garantida

Chatta la GiuRu avunda giugader per l’equipa rumantscha, alura garantescha la Lia Rumantscha che quels possian era ir a l’Europeada. Ils daners na sajan anc betg rimnads, dentant pervia da la finanziaziun na duaja la participaziun Rumantscha a l’Europeada betg dar en l’aua, uschia Andreas Gabriel da la Lia Rumantscha. (gc/rtr)
 

Tgi ch'ha gust da sa participar al campiunadi cun l'equipa rumantscha era senza ch'el sappia dar ballape, sa far quai direct tar la GiuRu ch'è era presenta sin facebook.