L'attentader da 33 onns pretenda dad esser cumplainamain saun e vul surpigliar la responsabladad per ses agir. Per il process èn vegnidas fatgas duas expertisas: Quella che Breivik crititgescha pretenda ch'el saja malsaun e ch'el duai ir en ina clinica psichiatrica. Tenor l'autra expertisa è il norvegiais tuttavia abel da giuditgar e pudess perquai ir en praschun.

Ils 22 da fenadur 2011 aveva Anders Behring Breivik laschà explodir ina bumba ad Oslo e mazzà 8 persunas. Silsuenter ha el sajettà enturn sin l'insla dad Utoya e mazzà 69 persunas, surtut giuvenils. (aw/nc/rtr)