Samedan: Delegaziun dal Maroc sin visita

Ina gruppa da 12 persunas è vegnida dal Maroc en Svizra per emprender ad enconuscher la diversitad linguistica e culturala da noss pajais, damai che “Amazigh” è avant pac temp vegnì renconuschì sco segunda lingua uffiziala en il Maroc, ultra da l’arab.

Durant la visita a Samedan han ils giasts emprendì ad enconuscher il sistem da la scola bilingua e las bellezzas culturalas en furma d’ina visita guidada tras la vischnanca da Samedan. (ac/rtr)