UBS: 1 milliun francs per la politica indigena
-
- Zoom
- Banca UBS sustegn a partir dal 2012 la politica indigena cun 1 milliun francs. (RTR, G. Hosang)
La banca gronda UBS sustegna a partir da quest onn la politica indigena cun in milliun francs ad onn. Las partidas possian inoltrar a partir d'immediat dumondas per sustegn.
Tenor l'UBS survegnan dentant be partidas daners che sa decleran claramain per ina politica da concurrenza e per il martgà liber. In ulteriur criteri è che la partida è represchentada en il parlament federal e ch'ella ha la grondezza da fracziun. Ils daners vegnan repartids tenor il dumber da mandats da la partida en il parlament federal e chantunal. (aw/sda)
