Sco emprima equipa insumma en l’istorgia da la Champions League gioga Bayern München il final en ses agen stadion. Ils giugaders da Bayern han dentant ditg stuì temair per che quest siemi giaja en vigur. Real Madrid ha cumenzà bain ed grazia a 2 gols da Cristiano Ronaldo manava Real suenter be 16 minutas gia cun 2:0 avant public indigen.

Penaltis han stuì decider

Bayern ha dentant sajettà anc en l’emprima mesadad in gol, uschia ch’i steva quintà cun l’emprim gieu 3:3 tranter Bayern e Real. En la segunda mesadad ed era en la prolungaziun n’ha il gol decisiv betg vulì crudà, uschia ch’ils penaltis han stuì decider. E qua ha Bayern München mussa meglras gnerva. Bayern gioga perquai il final ils 19 da matg cunter Chelsea Londra, quai per casualitad en l’agen stadion a Minca. (gc/rtr)