Berna: Dossier dal Gripen resta tar Maurer

Il dossier davart la cumpra da l'aviun da cumbat Gripen resta en ils mauns dal departament federal da defensiun ed uschia tar Ueli Maurer. Quai ha decidì il cussegl federal.

En ina interpellaziun vuleva il cusseglier naziunal Luc Barthassat che la ministra da finanzas Evelyne Widmer Schlumpf surpiglia il dossier dal Gripen. En la resposta sin l'interpellaziun scriva il cussegl federal era ch'ina nova concurrenza per la cumpra da l'aviun da cumbat vegnia betg en dumonda. (aw/sda)