GB: Naginas novas inquisiziuns en cas Maddie

Il cas da la mattatscha Maddie McCann ch'è sparida avant 5 onns en il Portugal na datti naginas inquisiziuns novas. Era suenter in appel da la polizia criminala da Londra, la Scotland Yard, na vesan las autoritads portugaisas naginas raschuns per anc ina giada cumenzar cun las inquisiziuns. I dettia nagins fatgs credibels, hai gì num. Ier aveva Scotland Yard publitgà ina fotografia che mussa co la mattatscha pudess vesair ora oz. La polizia portugaisa aveva terminà las inquisiziuns il 2008. (aw/sda)