Val Müstair: Betg cuntrafatg al dretg superiur
-
- Zoom
- Val Müstair aveva decis il mars da turnar al Vallader en scola. (RTR)
L’artitgel revedì da la constituziun communala da Val Müstair areguard la lingua uffiziala e la lingua da scola na cuntrafetschia betg al dretg superiur. Quai constatescha la regenza grischuna en connex cun il recurs da surveglianza da la “Gruppa Visiun Rumantsch Grischun en scola” cunter la vischnanca da la Val Müstair.
La regenza grischuna ha perquai approvà la revisiun parziala da la constituziun da la vischnanca da Val Müstair decidida a l’urna ils 11 da mars. Tenor la lescha vertenta sajan las vischnancas sulettas cumpetentas da fixar la varianta rumantscha decisiva, rumantsch grischun u idiom en las scolas publicas, uschia la regenza grischuna. La Val Müstair aveva decis il mars da turnar al Vallader en scola.
Emprim seser ensembel
La commembra da la gruppa Andrea Könz ha ditg sin dumonda da RTR, ch'ella na saja betg surpraisa da questa decisiun. “Sche la gruppa tira vinavant la decisiun n’è betg anc cler”, di Könz. Ins stoppia emprim seser ensembel e discutar questa decisiun. (gc/gr.ch)
