Infurmaziun davart il tema “co ir enturn cun conflicts”

Dapi 10 onns exista il servetsch da mediaziun per il sectur da la tgira da seniors e dad impedids. En il rom dal giubileum da 10 onns, envida quest’instituziun proxima sonda a Cumpadials ad in barat d’experientschas davart il tema “co ir enturn cun conflicts”.

Il post da mediaziun vegn purtà d’ina associaziun e tras quella indirectamain da las instituziuns da tgira sez, sco per exempel da la Spitex u da la crusch cotschna. Tge lavur ch’il post da mediaziun fa insumma, vul Elisabeth Blumer, mediatura per il sectur da la tgira da seniors ed impedids, preschentar sonda proxima en la chasa S. Giusep a Cumpadials.

(rtr/fa)