Samedan: Eroport tira vinavant siadora aviuns senza motor
-
- Zoom
- L'eroport Samedan mantegna la tradiziun da trair siadora aviuns senza motor. (Keystone)
Sin l'eroport a Samedan pon ins era questa stad sgular cun aviuns senza motor. Sco quai che la direcziun da l'eroport Engiadina infurmescha, ha ella decidì da puspè sezza gestiunar il turn per trair siadora aviuns senza motor.
Uschia possia vegnir mantegnida la tradiziun dal sgol cun aviuns senza motor en l'Engiadin'Ota che va enavos enfin l'onn 1934.
Ils ultims mais haja l'eroport Engiadina sclerì ils basegns ensemen cun il club da svoula vela Muottas e saja ussa pront per la stagiun da sgol 2012, scriva l'eroport Engiadina.
(fa/cdp)
