Spiss: Bara anc betg identifitgada
-
- Zoom
- Per casualitad ha l'urs manà la polizia tar la bara d'in um. (Keystone)
Tgi che la bara è, ch’ins ha chattà grazia a l’urs M13 datiers da Spiss en il Tirol, n’è anc adina betg cler. Tenor l’uffizi criminal dal Tirol èn ins anc adina vi da sclerir l’identitad da l’um da 40 onns sturnì avant 3 u 4 dis.
Emprimas retschertgas mussian, che l’um saja vegnì sturnì insanua auter ch’èn il lieu da chat. Pli probabel saja l’um vegnì transportà là cun in auto e lura fiers da la spunda taissa giuadora.
L’um da 40 onns è vegnì chattà la mesemna suenter in brischament che l’urs M13 aveva chaschunà cun far cupitgar ina planta sin ina pitga electrica.
La polizia dal Grischun ha tramess per l’identificaziun tut las datas ch’ella ha davart persunas sparidas. Fin ussa n’hajan ins udì nagut da la polizia dal Tirol, ha ditg la polizia grischuna.
(fa/rtr)
