La raschun per il retard sajan ils custs per la construcziun da l'ovra Chlus, che sajan considerablamain pli auts che planisads oriundamain.

L'ovra idraulica duai vegnir construida tranter Küblis ed il Rain sper Landquart. Oriundamain quintava la Repower cun custs da radund 340 milliuns francs. Sco quai che la Repower scriva, examineschia ella ussa las pussaivladads per optimar il project e per sbassar ils custs. Quai haja per consequenza ch'il project da concessiun na possia betg vegnir preschentà a las vischnancas involvidas anc questa stad.

(fa/cdp)