SBB: Trens novs d'Intercity han 2 onns retard
-
- Zoom
- Ils novs trens d'Intercity curseschan probabel pir il 2015. (Keystone)
Ils trens novs d'Intercity da duas auzadas da la Viafier federala vegnan introducids pli tard che planisà. Enstagl la fin dal 2013, quinta la SBB ch'ils emprims trens curseschan probabel pir la fin dal 2015.
La raschun per il retard è che la Viafier federala fa recurs cunter ina decisiun da la dretgira administrativa federala. Quella pretenda in cumpartiment supplementar per persunas cun impediments cun ina tualetta adattada per sutgas da rodas.
La viafier federala argumentescha che l'uffizi federal da traffic haja ditg ch'ils trens novs correspundian a la lescha federala per persunas cun impediments ed haja approvà ils
plans.
(fa/sda)
