Art: David Weiss dal duo Fischli/Weiss è mort
-
- Zoom
- L'artist David Weiss è mort. (Keystone)
L'artist da Turitg, David Weiss, dal duo d'artists Fischli/Weiss è mort. Tenor l'agentura da novitads SDA, è David Weiss mort ier en sia chasa a Turitg.
La galaria americana da Fischli/Weiss haja confermà in rapport da la pagina d’internet "Arts in America", scriva la SDA.
Ensemen cun Peter Fischli tutgava David Weiss tar ils pli renumads artists contemporans cun renum internaziunal dals ultims 30 onns.
Il 1987 han Fischli/Weiss fatg furori cun il film curt "Der Lauf der Dinge". Il duo lavurava cun sequenzas da video, fotografias, sculpturas ed installaziuns multimedialas. La spezialitad dals dus artists era d'arranschar da nov objects e situaziuns dal mintgadi e d'uschia metter en dumonda quellas a moda ironica.
Il 2003 han Fischli/Weiss gudagnà il liun d'aur a la Biennala a Venezia.
(fa/sda)
