Berna: Burkhalter s’inscuntra cun delegà spezial american

Il cusseglier federal Didier Burkhalter è s’inscuntrà a Berna cun il represchentant spezial dals Stadis Unids David Hale. En il center dals discurs è stà l’engaschi da la Svizra en il Proxim Orient.

Quai communitgescha il departament da l’exteriur EDA. La Svizra s’engaschia gia dapi intgins onns per la pasch e la stabilitad en il proxim Orient. Berna tschertgia latiers il dialog cun tut las partidas. Il davos temp hajan differentas partidas dentant cuntrafatg cunter il dretg internaziunal, uschia l’EDA vinavant.

(fa/sda)