Hockey: Niederreiter è cuntent cun sia stagiun en la NHL
-
- Zoom
- Nino Niederreiter (Keystone)
Cun be 19 onns ha il giuven hockeyan grischun Nino Niderreiter fatg il pass en la National Hockey League. Quella stagiun è stada sia emprima cumpletta tar ils New York Islanders, en la meglra liga da hockey dal mund.
Greva stagiun per Niederreiter
L’emprima stagiun en la NHL era ina greva per Nino Niederreiter. Per l’emprima giada durant sia giuvna carriera è Niederreiter sa blessà.
Uschia ha il hockeyan grischun pir pudì cumenzar il november a giugar hockey. Pauc suenter è el puspè sa blessà. Pervi d’ina squassada dal tscharvè, ha Niederreiter er manchentà il december diversas partidas dals Islanders.
Tuttina è Nino Niederreiter cuntent cun sia emprima stagiun en la NHL.
Da preschent sa prepara Nino Niederreiter cun la naziunala svizra per il campiunadi mundial da hockey sin glatsch, che ha lieu il matg a Stockholm ed a Hesinki.
(fa/rtr)
