Patrouille de Glaciers: Rut giu pervi da temperaturas autas
-
- Zoom
- Las temperaturas autas han fatg in stritg atras il quint dals organisaturs da la Patrouille de Glaciers. (mad)
La Patrouille de Glaciers è a fin. Suenter ch'ils organisaturs han gia venderdi stuì interrumper l'emprima cursa, è era la segunda vegnida terminada questa notg a moda andetga.
La raschun èn las temperaturas autas che han procurà per in privel da lavinas considerabel. Perquai hajan els decidì d'interrumper la cursa, han ditg ils organisaturs.
Ier saira eran bun 420 patruglias partidas da Zermatt e 230 d'Arolla en direcziun Verbier.
La Patrouille des Glaciers vala sco pli gronda cursa da turas cun skis ed ha gì lieu l'emprima giada il 1943.
(fa/sda)
