La radunanza communala da Saas ha refusà d'auzar la contribuziun a l'organisaziun e cunquai da prolungar il contract.

Ils daners, ch'èn fin ussa vegnids pajads a la Prättigau Tourismus GmbH, duain en il futur vegnir duvrads per agens projects u vegnir pajads a la destinaziun turistica da Tavau/Claustra.

Tschellas 9 vischnancas commembras da l'organisaziun regiunala da marketing han prolungà il contract.

Plinavant han ils da Saas approvà il quint annual 2011. Quel serra cun in surpli d'expensas da radund 200’000 francs.

(fa/rtr)