Spiss: Bara da l’um assassinà è identifitgada
-
- Zoom
- Per casualitad ha l'urs M13 manà la polizia tar la bara d'in um. (Keystone)
L'identitad da l'um assassinà en il Tirol para d'esser enconuschenta. I sa tractia d'in um da 40 onns dal Tirol dal Sid, che vivevi il davos en la Germania.
Quai rapporta la pagina internet Tiroler Tageszeitung Online, sa referind sin l'uffizi criminal dal Tirol.
Tenor quel saja l'um stà entretschà avant 5 onns en in fraud da taglia en l'autezza da passa 13 milliuns euros, nua ch'i gieva per la cumpra e la vendita da radund 200 autos da luxus.
La bara da l'um era vegnida chattada la mesemna passada pervi d'in incendi che l'urs M13 aveva chaschunà datiers da Spiss.
(fa/rtr)
