Sviz: Resistenza cunter nov parc da natira
-
- Zoom
- Primavaira en la foppa da Sviz. (naturpark-schwyz.ch)
Encunter il project d’in parc da natira, ch’è planisà en il chantun Sviz, datti opposiziun. Suenter Steinerberg e Riemenstalden, ha ier cun Alpthal la terza vischnanca refusà il project.
Tenor la vischnanca dad Alpthal, saja la decisiun crudada unanimamain.
Il project dal parc da natira preveda ina surfatscha da 562 kilometers quadrat. 14 vischnancas eran oriundamain planisadas en il parc da natira.
Era da las ulteriuras vischnancas, che ston decider en chaussa, datti opposiziun. Bleras teman restricziuns, prescripziuns ed ina memia pitschna participaziun a la discussiun.
Ils iniziants dal parc da natira vulan decider davart la realisaziun, cura che tut las vischnancas han decidì. La confederaziun prescriva ina surfatscha minimala da 100 kilometers quadrat.
(fa/sda)
