Svizra: Temperaturas da record da passa 30 grads
-
- Zoom
- Temperaturas da stad l'avrigl han carmalà giuador la glieud. (Keystone)
Suenter l’aura trida da las ultimas emnas è la stad arrivada. Il pli chaud di da l’onn han ins mesirà temperaturas da passa 30 grads.
Enfin uss n'hai anc mai dà in di uschè chaud l’avrigl en il nord da las Alps. Quai ha Thomas Klaiber da SF Meteo confermà.
Ins ha pudì mesirar temperaturas da passa 30 grads. Motiv per quellas temperaturas da stad è il ferm favugn, che ha smatgà l'aria chauda da l'Africa fin en regiuns pli bassas.
Uschia na sajan las temperaturas pli chaudas betg vegnidas mesiradas en las valladas da favugn, mabain en la Bassa.
Il pli chaud èsi stà a Döttingen en il chantun Argovia cun 30,2 grads. Dumengia lascha l'intensitad dal favugn suenter ed ins po quintar cun temperaturas maximalas tranter 25 e 26 grads.
(fa/sda)
