Tour de Romandie: Victoria per Bradley Wiggins

  • Publicaziun: 29-04-2012, 18.29

Victoria dubla per il ciclist Bradley Wiggins. Il brit ha gudagnà l’ultima etappa dal Tour de Romandie, ina cursa cunter l'ura sur 16 kilometers a Crans Montana, quai malgrà ch'el ha gì in defect curt avant l'arrivada.

La finala ha Bradley Wiggins battì l’american Andrew Talansky per 0,7 secundas. Terz è l’australian Richie Porte vegnì, cun in retard da 20 secundas.

Grazia a quella victoria ha Bradley Wiggins er gudagnà il Tour de Romandie 2012, quai avant l’american Andrew Talansky ed il portugais Rui Faria da Costa.

(fa/sda)