Bosnia: Uffants croats e muslims duain ir ensemen a scola
-
- Zoom
- La separaziun etnica d'uffants en differentas scolas taxescha ina dretgira en la Bosnia sco discriminaziun. (Keystone)
Ina dretgira da la Bosnia ha decidì che la separaziun etnica d'uffants en differentas scolas valia sco discriminaziun. La dretgira ha ordinà a las instituziuns da furmaziun da crear in plan da scola identic sin il pli tard enfin l'entschatta da scola dal settember che vegn.
Er 16 onns suenter la fin da la guerra il 1995 na datti en la Bosnia naginas classas maschedadas pli. Uffants croats e muslims vegnan latiers instruids savens da differentas uras. Per part han els era differents plans d'instrucziun e differents cudeschs. (gc/sda)
