Grischun: Resistenza cunter lescha da turissem
-
- Zoom
- La PLD e la PPS sustegnan il referendum cunter la lescha da turissem decidida dal cussegl grond quest avrigl. (RTR)
En il Grischun sa furma resistenza cunter la lescha da turissem chantunala ch'il cussegl grond aveva decidì en la sessiun d'avrigl. In comité independent vegn a lantschar il referendum.
Sco ils liberaldemocrats communitgeschan, vegnan els a sustegnair il comité. Il medem vala per la partida populara. Il comité sez n'è anc betg ì en la publicitad. Per ch'il referendum grategia, ston ins recaltgar 1500 suttascripziuns enfin ils 25 da fanadur. (gc/cdp)
