Svizra: Abitaziuns duain esser abitadas 120 dis
-
- Zoom
- Il cusseglier naziunal dals verds Bastien Girod (dretg) ed Adele Thorens, la co-presidenta dals verds. (Keystone)
La partida dals Verds è pronta per cumpromiss cun realisar l'iniziativa da las segundas abitaziuns. Ella n'insista betg pli sin ina definiziun stricta d'ina segunda abitaziun.
Per exempel duain abitaziuns ch'èn abitadas 120 dis ad onn betg crudar sut la quota, ha declerà il cusseglier naziunal da Turitg, Bastien Girod, avant las medias.
Per cuntanscher in turissem persistent pretendan ils Verds tranter auter zonas da hotels per mantegnair e promover l’hotellaria, ch'i vegn megliurà l'occupaziun da las abitaziuns ed ina politica da terren activa dal maun public per diriger il svilup. (gc/sda)
