Skis: Onur per Luana Flütsch e Sandro Simonet
-
- Zoom
- Premi per Sandro Simonet e Luana Flütsch (alpiq.com/skionline.ch)
Gronda onur per ils giuvens skiunzs grischuns Luana Flütsch da Sankt Antönien e Sandro Simonet da Casti.
Ils skiunzs da 17 onns vegnan onurads cun il premi da promoziun da la fundaziun Paul Accola, ch'è dotà cun 2'000 francs.
Sandro Simonet ha gudagnà l'enviern passà 3 medaglias tar ils gieus olimpics dals juniors ad Innsbruck. Plinavant è el vegnì campiun svizzer da juniors en la super cumbinaziun.
Luana Flütsch è stada pliras giadas tranter las meglras 10 tar cursas da FIS, ella è er campiunessa e vicecampiunessa svizra da juniors.
(fa/rtr)
