Vienna: Ex-minister d'ieli libic najà en la Donau
L'anteriur minister d'ieli da la Libia, Schukri Ghanem, ch'è vegnì chattà mort en la Donau, n'è fitg probabel betg l'unfrenda d'in crim. Quai tenor las emprimas retschertgas da la polizia.
Sco quai ch'ella communitgescha, laschia l'autopsia supponer ch'il politicher da 69 onns saja najà. Ghanem è stà blers onns en stretga relaziun cun l'anteriur dictatur Muammar Gaddafi. Avant in onn ha el bandunà la Libia en direcziun Vienna.
(fa/sda)
