A l’emprim gieu da test cunter il Canada avant il campiunadi mundial a Helsinki, ha la naziunala svizra mussà dumengia passada ch’ella è pronta per quest campiunadi.

Davent dal segund terz han ils Svizzers dominà cleramain la partida, fin a la fin hai vesì ora sco sch’els gudagnassan quella partida.

Curt avant la fin dal gieu han ils Canadais fatg in stritg atras il quint dals Svizzers ed egualisà la partida a 1:1. Cun sajettar penaltis han ils Canadais lura gì dapli cletg e gudagnà il gieu cun 2:1.

Questa saira san ils Svizzers anc ina giada mussar tge ch’els san.


(fa/rtr)