Ungaria: China dat credit da svilup da milliardas
-
- Zoom
- Il vice-primminister chinais Li Keqiang ed il primminister ungarais Viktor Orban. (Keystone)
L'Ungaria survegn ina milliarda euros agid da svilup da la China. Il minister d'economia da l'Ungaria e represchentants da la banca da svilup chinaisa han suttascrit oz a Budapest ina cunvegna da basa.
Il primminister ungarais, Victor Orban, che vala sco conservativ da la dretga, aveva adina puspè declerà che ses pajais veglia s'orientar dapli vers l'ost.
L'Ungaria, ch'è plain daivets, vul contractar proximamain cun il Fond monetar internaziunal IWF davart in credit da 15 fin 20 milliardas euros. Ina data n'è anc betg vegnida fixada.
(fa/sda)
